الشاعر صالح بوعياد الشهيبي
قصائد صالح بوعياد الشهيبي
نحن بلادنا سمحا اومسمح قبولها بجبالها اومداينها اومجمل ترابها
اوبرها اوسواحلها اوعلي طول طولها ...... اوواحاتا اومنابعها اوطيبت شرابها
اوصيفا اوخريفها اوسمح بارق انزولها ..... وطلوع شمسا فيها اوساعة اغيابها
اوبحرها اوقمرها اوليلها وطلولها ...... وفراش نوها قدام جودت سحابها
وانتاجها اومصانعها اوعطا بترولها ..... فال خير حلنبا جميع ابوابها
اوجود اوكرم واجواداها ييدمولها ..... وجبات ضيفا حتي اسنين اجدابها
اولو الضيف يقعد اطناشر حولها ..... بلادنا ناسا للضيف طيب اوجابها
اولصاحب اصحاب صحيح لوكان غولها ..... ناس النزيل اتبيع دونا ارقابها
برهان من ارجال الصالحين سقولها ..... وسنين الضما سقيت ادما شيابها
برهان خير شرباتا حنط ميكولها ...... اوزادت حناطتها بثورة شبابها
كفو عطوها حقها وفولها ....... سلم ضناها قايمين منابها
واحنا بلادنا سمحة امنين ماتجولها ...... اوسماحت طراوت فجرها في اشعابها
اوربيعها اوتخاضيبا اونباتت اسهولها ..... اوسماحت مساهل وطنها واعقابها
سمحا ابحربها اوبكربها اوزفت اطبولها ........ ولي ايجيبها الها ربها مرحبابها
=============================
من بصرها العقل مكسوف
من بصرها العقل مكسوف** وحاطه الحسايف حسافه
ومن طرفها جاى مطروف** ومن قبل فيهن اطرافه
هذه سر مدفون فالجوف** وايجى وقت فيه تصافه
ولانى عجول امخفوف** ولاانجى لدار المعافه
ولايجيبنى ذرب الدفوف** ونا حر مانى الفافه
من حاش عنده اطريت امعيوف** اقدرت خاطرى نقتل اريافه
اللى قبل فيها انشوف** علم عاجباتنى اوصافه
وطامع حرمها انطوف** وليش احرمتنى طوافه
وعلى قلبها طامع ايروف** واتقرب امعاى المسافه
ونا ادير فى امعروف** ونفتك الجضر من اقطافه
ونقهربها القزن والخوف** اللى العقل شون اطرافه
ونقهربها جملت اضروف** نحساب قلبها فيه رافه
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
هافي سفيرهم
حتى انكان متقاعد اليوم سفيرهم *** وميلت اركان الوقت والت هبلهم
ناس عندهم تاريخ وافضال خيرهم *** علي ناس غير الناس ما تحسبلهم
وعاشو اكرز واميار في ضل ميرهم *** وحاجة لواط اتعير ما عقبلهم
وكانت الا تجمع علي بنديرهم *** والناس فالمجردق واجده تقلبلهم
واللي تو كرزه كان راعي حميرهم *** ناضره ايكنس في زرايب زبلهم
وان ناقرتهم واعر عليك نقيرهم *** سعتا وهو مازال ماباد حبلهم
وتضايق عليك ان كان جاك نذيرهم *** ايام وهو مازال يلزم طبلهم
وكان جيت بالطيب عسل من قيرهم***تاكل وتاحذ من غلمهم وابلهم
ايام الغديد ارسنه فيد خبيرهم *** ناس طيبو تاريخ ما طيبلهم
وكانت اعيون الناس تحسد غفيرهم *** وكان ايتمني كل حد يقربلهم
ويعزم ويذبح للضيوف صغيرهم *** هاذول الكرم فيهم وفلي قبلهم
وكانو ضرا والناس كانت اتجيلهم *** ولاعند هلهم كم مير اتعبلهم
ولاكن لواهم وقت لين ذكيرهم *** وفيهم اطمع من دوبهم شنبلهم
وبادن وشايحهم وشاوي ضخيرهم *** بدار عاقبه ريت الزمان العبلهم
واللي قبل يلبس من ملابس حريرهم *** عليه وين ما لفو اليوم خربلهم
ولا يشحتوه القدر حاجه اتعيرهم *** وايقيمو افضال القدر لو سيبلهم
ولا اريد نشهد زور في تزويرهم *** ولاني اللي تاريخهم كاتبلهم
ويردع ايميل بكم باشا فقيرهم *** ولاطلبو مني شكر لا نكذبلهم
ونا يعرفوني ما شقيت بليرهم *** ايام الريح ادور وتحطبلهم
ولاني اللي صابغ اقبب من جيرهم *** ولاجيتهم مجدوب ولا نجدبلهم
ولاكن بعد شوين مغاير شعيرهم *** القيت شكرهم الاجواد كي واجبلهم
رفاقة ليل
رفاقة ليل ويحوشن انحاش *** علي افكار ويبان الدسيس
شريط نظيف صافي مالغباش *** من اول ليل يبدا بالرقيص
وتمر اشباح ويمرن اوحاش *** وتمر اموات فكفانها اتقيس
وتمر اوجوه في صيفه اوهاش*** وتمر اسلام تاكل في فطيس
وتمر وجوه تصاهد اعطاش***وجوه ملوك عاشت عالمصيص
الدم البشر قدامه افراش *** حدور امعاه تاكل مالفريس
ويمرو ناس من ناس اتكاش***من محراك حراك الدميس
فتنه نار شاطت في هياش *** تدقل فيه خلاته رميس
عوينها جاي في مصفق امناش***يادوبك فيه تنظر بالبصيص
وايدوخ العقل ويسير اندهاش***ابقيت الشي ماشي بالنكيس
والصاحب باع صاحبة بالبلاش***بيع اطلوق في سوقًٍَِِ بخيص
حديث ايجيب للقلب ارتعاش***انوظ انموج نلعن في ابليس
انفتش غير ما نلقا فتاش *** عليه طعمه ظلمه هاردميس
ولاعد فيه ما يحول غشاش ***و لاعد وين مرواسك اتغيص
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
عندى القلب منك فيه
عندى القلب منك فيه طبت جمره اصحى من عشمنا فيك واصحى بامره
نارك طبت ولا قبل نارك نار فيه انكبت وما من جميله بلجمال تنبت
اللى مثيلها ماسع كلوا من تمره
ومش كل من هبت عليه ودبت تاخذ النظر ولاهى ادوارت نمره
ولا كا فضاء قلبى وعينى شبت وفى شى واعر موش ساهل طمره
وعندى عين جبيت وراك وجبت وعندى قلب مختارك عشيرة عمره
نارك كامض وريت ورد واجد فى اجنانه رامض وراى لاعرفتا مر ولاهو حامض جينا
اصداف ايام فيهن ضمره
وانتى موقفك موقف ابنادم غامض لاخش للظلام ولاطلع للقمره
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
قولولها مازلت رانى حى
قولولها مازلت رانى حى** وقولولها مازال فى حنين
الها واخذه عقلى اتردن لى** ونكان ناكره تاخذ عليه ايمين
هو عقل واحد ما خذاتا هى** ظليمه اريد انجيب عقل امنين
قولولها لازم ايرد على** ماتقعد بعقلى مع اوحود اخرين
قولولها مازلت رانى فى لوعود اوفى**مابيت للنسيان يوم اللين
قولولها ماسع نفضت ايدى** منها على ما مظغن فى اسنين
ونمشى اوحدى ندهور على كرعى** بين النعام وبين وادى العين
ونجى البير ياله اربعين اولى** يرحم الله اموات المسلمين
ولانى على طرف امخلوق رمى** ولانرمى على موته ولاحيين
ولانى جايهم نشكى امنلى فى** ويقولوا من اعباد الصالحين
ارحم الله ولدى ويغفر الله اذنوب السامعين
وقولولها نأ كل يوم انجى** الدارهم الها نحسابهم جيين
انقدع كليت العمر باسل نى** والدوج كارها من كثرت الباسلين
وما جد شى ابعدك يسوا شى**علينا الا قسوة اقلوب وشين
وشاخوه على لجواد عيت اهنى** واحنا اصبحنا بين ياس وبين
ننووه السفر وايسير فى اللى**وطريق السفر ماتريد شى تظنين
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
مامن وجوه اسماح
مامن وجوه اسماح .. ما سمعت فيهن قول سوك راح .. اللي فارقن
مامن اللي واعر عليك اغيابه .. وموارات شخصيته ورد وجابه
وين ما الزمان اتسيرلا نكرابه .. وارياحه اتكون امباشرة بنزاح
هناك وين يشّرع الفاهق بابه .. لجواد فقدهم منه اتحس اجراح
ومامن اللي فارق وما تشقابه .. وان قالو لفا لقلوب ما تفراح
ما من الوجه الناير .. اللي عمر ما طبعه امعاك ايغير
لاكن الكون الله فيه ايسير .. ويفارق اللي مالكون نجمة طاح
وايام الدهر تمتاضلك وتمير .. ويجلك الله وفاليدين اسلاح
وهذي الدنيا كل نهار ادير .. علي مطايرك تسفي بشكل ارياح
ما من الوجه الباشر .. اللي كان ما ودك امغير اتعاشر
ولا يصابحوك بوجه عابس كاشر .. ولو العمر كله بهم تصباح
ولا تنظرا فيهم الوجه الحاشر .. عطاهم الله لجواد طلق اسراح
وعندك منايح في اطراف الناشر .. انظاف الضماير فالجوار املاح
ما من اجواد صحيح .. الليل يجبروا بالذكر والتسبيح
ولا جارهم ينظر رقادة ريح .. حتي ولوقات امعاودات اشحاح
وكلاب الفريق امسيبه النبيح .. من كثرة اوجوبها والسنين املاح
حتي وهي الدلو اتجيب بالتمويح .. للهايف امروح طالقه المرواح
اسماح الزوقة .. عالجار المجاور يقسمو فالضوقه
وفي ملكم واخذ جميع احقوقة .. الجار ملكوه البير والمسراح
واصحاب نجع ما ودك امغير اتوقه .. اجواد في طرفهم جارهم يرتاح
وملي سكاين برها مخلوقه .. كل بيت قدامه هناك امراح
وعيونهم مثابت في صفا مدقوقه .. ما من نذير ايسيبو مطراح
مامن اجواد اتعز من جاورها .. اسماح الوتا بحرابها و ادقرها
فراسين واحمايه اسلاح اوبرها .. وين ما رسم في سوقها براح
ولاعند تو اديارهم نخبرها .. نمشيلهن اتقول انزور في صلاح
واللي لا عرف لجواد ولا ناظرها .. مازال مانظر شي للكلام الصاح
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
ياالعين يا حواسه
ياعين يا حواسه = ابماضى عزلت العقل من وسواسة ليش النكد
يــــــــــــــــــا طـــــــــــــــــماعه = فى اللى شوى غيرك كلا مرباعه
عطاك عهد لكن بارموه وبــــاعه = ياســـــك وناسك والجضار وناسه
وناض التفت غادى وكر إقـــناعه = وريته أخطى روس الميوح تماصه
من حاشن وراء غيرك عزيز أداعه= كان تتبعينى ناء أرضيت بــــياسه
أنسيته القيت الفاهقه رقـــــــــــاعة =قذارة عـــــــقاب الليل من رماسه
ييفنن ايام العمر ينــــــــــــــواعه =يابال صوب قاشعهن الياس حصاصه
ألا العقل من غادى زطيل اذراعه =ما عمره بناء صوب وعمر مجلاسه
حتى لو حرث قالو ودار ازراعه =ناض وحصد مالصوب ما تواســـــه
وضم الغمار وجابهن للقـــــــاعه =متبوع عادته تمطر نهار ادراســـــه
يـــــــــــــــا نــــــــــــــــــــكاده =علي غير واجد ما شوي أرياده
ترجح وتركع كفته الـــــــسواده =مقطوع اللوا يبرم علي حــــباسه
أمعا ظروف ما هن يالعين أمداده =وأنتي أبقيتي عظم بوغصاصه
يطرب أفرسان خيلي تبرمي جـــــباده =قيسك أتريدي تهلبيه الـــــــباسه
عطك عما مانك الــــــــــنا وداده=أبجيبت سريب أمسرحين أركاسه
غلا قديم ما من عقاب أصراده =بيره أثــــــــــــــيان روقته وتكاسه
ومول الغثيث أعرام عالكداده =أغني بكل حد منه أرضي بحساسه
مكتوب كل شي يفنا وجا ميعاده =فنا شــــــــي واجد وأنتها بقصاصه
وما فريق اللي فنا بــــــــجواده =بوجــــــوه طيبه فوقها اتراب تواسه
وراه الحي ماله فيت حسن أعباده =ويــــــــسمع أمغير ألطيبه حراسه
ــــــــــــــــــــــــــــــــــــــــــــــــــ ــــــــــــــــــــــــــــــ
عارفينه
عارفينه كنه تباطى نشلك **مغير اسمعى باقى العلل بشواش
وعارفينه من هو اللى رشرشلك** وعارفينه تابعه ثراء رشراش
وعارفينه بارق بعيد رمشلك**وقلت ارجاع انظرك شوره طاش
وعارفينه من هو اللى وشوشلك** حراش شر جاك امحرشه حراش
وعارفينه من هو اللى فتشلك**وعارفين ما داربك الا وشواش
وعارفين فتانك برم دبشلك**وجاب اللحوم وجايب القشواش
ايقشوش الله ابشر من قشوشلك**عند ربنا ما يفوت شى بلاش
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
ياحـــــــــــــــــــاج
ياحاج تبقى حجتك مقبوله** لوكان متت غادى صادقه واكيده
غفرت اذنوب وخاتمه امغسوله** لوكان لك الله حسن لاختام ايريده
امغير لاتزعل من كلام انقوله** نستغفر الله غافر اذنوب عبيده
يا حاج حجك ما تكامل حوله** نين جيتنى تنشد على التصعيده
ولاقط طريق امظلمه منعوله** وفالكذب متعلم افنون جديده
يا حاج راه الحج ما يمشوله** الا اهروب من ظلم الحياه الزهيده
مالك ومال النقض والمفتوله** معاه ناس ما فيهم اقرام عقيده
معاهم وما منهم الحق اطوله** لاجل محمد موش كيف احميده
والطارف الساكت قرعته ميكوله** ويريد يلحقوه حتى عللى فيده
وطروك مرتشى قابض خذيت عموله** على اعربك بيش اطيب عالتفريده
افلان قوله وافلان لااتقولوله** وافلان اكتباه وافلان بالك حيده
وديما مجالسكم من اول جوله** ابليس بينكم يرطز بعد تهميده
وتشاخر ويحكف كل صف اذيوله** واحد ظلم واحد كلاهم سيده
ياحاج ليش اتعول فى هالعوله** نين حجتك صارتلها تبليده
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ــــــــــــــــــــــ
عزيز انسيبه
منحاشن التفت غادى عزيز انسيبه** ماتريد شى منه تجينى طيبه
منحاشن التفت غادى اخطيت بيوته** حتى وهن عليه حقوقنا مثبوته
وفينا عزيز مواجعه منحوته** اللى مى بعيده هنا دون قريبه
دثمرتن لاجل خواطر موته** وجرت اجواد عزيز فيه امهيبه
وتمت معانا حزمته منكوته** وتما علينا كل شى ايغيبه
ويجينى العيب ونركنه ونفوته** خوف م العرب تصبح على امعيبه
ومنحاشن شوى غيرى كلا منبوته** عفيف خاطرى ما ايريض فيه اركيبه
ولا ابركه فى حاجه اتجى مشحوته** واللى مى نصيب الحى غير اتشيبه
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
غلا فاطمه فيه احسدوه
غلا فاطمه فيه احسدوه****وين ما وتا ع الحصادي
جميع كل مافي داروه****وتخييطهم النا بالسوادي
نهار اللقاء اساع يلقوه****نهار شاهدات العضادي
يتيم في خلا خلو خلوه****يعيط بها في كل وادي
بقيص خاطري سلاحه خذوه****اوشاحا ومات الجوادي
مريض خاطرى ما قطروه****وهو يرتجف ما لبرادى
حتى امساوله ما ساولوه****قضاء العمر فيهم اينادى
ورحيل فاطمه نين جبوه**** واعياط خاطرى اعياط صادى
ايعيطلهم ياهوه ياهوه**** ويا امرابطينها والسعادى
غصب صاقوه****يا ساكنين البلادى
اعياط خاطرى ما فسروه****احظورها رما عالبوادى
عيطلهم ما جاوبوه****اللى ايكلمه يلتفت غادى
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
يلى فى تنشد كى الحال
رد بوعياد على واحد يسئل فيه على حاله واحواله
يلى فى تنشد كى الحال** مازلت انسوق مشوارى طويل
انحطوا هنا ونقولو مزال** اريدو شى لاكن مستحيل
اريدو وطن يبقن له اظار** ونجاك الصقع ما ايطولك هذيل
وصاحب عقل وصانى وقال** اختار رفيق ليام الرحيل
وسامع قول سابق فى امثال** اختار الجار قبل الدار قيل
ونا زعلان مرحولى وشال** ونضت انحول فى جرت نزيل
لصيف شراب ننظر فيه زال** زوال الظل من ظلمة الليل
وطبت انحوم فى بر الغزال** اطياب التمر فى وان الشعيل
لااريد انحط فى طارف انذال** ولالجواد لاقيلهم بديل
ضنا لجواد كى رزق الحلال** والطيب راه مو واجد قليل
ايرق امغير ما ايبيدن احبال** ولا يقطاع للطيب وصيل
ونمال الوقت وان شح الوكال** احذا لجواد وقتك ما ايميل
وللجيران ما ايباتوا اعيال** احذا لجواد طافيلهم فتيل
ارجال املاحمه فيهم بسال** اطيور حرار لاكن فوق خيل
ايحاموا الجار ويحامو المال** انصار الحق وفايت الكيل
ومختارين لولادهم خوال** قطير اجباح من قيرن حويل
اهلالى حر جدا هو اهلال** ايجى بوزيد هو خال العويل
اللى لاتوا يحكمبا اجيال** اقصاصها جيل يحكيهن الجيل
وهناك ارجال يسموا اجمال** يدانو غير للحمل الثقيل
ايبانوا غير فى اسنين لكلال** دوبين اتحط والواحد ايشيل
الا لله يا خوى الكمال** اهناك ارجال مالهم شى مثيل
وهناك ارجال ما هم شى ارجال** امغير الوشم ما فيهم ايخيل
صبايا غير ماترظع اطفال** صبايا غير مالنوع الزطيل
امغير خيال عالق فى خيال** قفاه منجوس عالق فيه ذيل
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ــــــــ
عيت العقاب
مانى برى من عيت العقاب** كان عيت العقاب يبونى
ومازلت داير احساب** وكان غبت عنهم ايجونى
وانغيب ويطول الغياب** ونجيهم وما ينشدونى
وين كنت ويش لسباب** ونمشى وما ودعونى
يارازق البشر ويا رازق الدواب** انعنهم وما يعتقونى
كان يعرفوا عتق لرقاب** الوجهك ونا يشترونى
ونبقوا انساب واحباب** ومن قربهم ما يحرمونى
وعل الحق مانى ذهاب** وانقيم العتب كان عاتبونى
ونشيل حقهم كانوه طاب** وانهلب انكان اظلمونى
وسرابهم ان تمى شراب** هذيك منيتى فى اضنونى
وان تمى شرابهم سراب** ساده اللى فى البدونى
نا ما اريد الخراب** ولاانريدهم يخسرونى
وانريد قربهم وانريد الثواب** وليش مرتين اطقرونى
الها لوله درت مهلاب** وغمظت عنها اعيونى
الثانيه الحى موصاب** انجنن امعاها اجنونى
لسوالى انريد لجواب** بالله سلتكم جاوبونى
ليش كل ماجيت لحباب** انريد دنوهم يدفرونى
وليش لومهم لى لصحاب** ولصحاب ليش ما يعذرونى
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
ناغلطان عمرى راح بدرى
مشاركه مع شاعر خليجى
ناغلطان عمرى راح بدرى ** نرجاء فيك ضيعتى اسنينه
الغاوى عماه ونتى زاد تدرى ** زوقتك نين تميتى ثمينه
عطيتك قدر عندك ضاع قدرى ** كان حدرت ردى واعقبينه
كان رقيت مربوحه انحدرى ** يالى القدر ماتستاهلينه
كميت ازعلى فى صندوق صدرى ** بقيتك غدر تبى تتعطنينه
شايل غيض منك فاض قدرى ** اول فور والثانى قشينه
الثالث بان تبييتك لغدرى ** حسبى الله فيك بينك وبينه
الزاهد صم والغاوى عمه
برضوا مشاركه مع شاعر خليجى
الزاهد صم والغاوى عمه && وهذيك وهذى ماهن شى اذنوبى
دناك القلب مل الساعه الطمه && لالك راب ولاايريدك اتروبى
ونامافى ضنى القلب ما اقسمه && القلب اثنين ولايلزم اهلوبى
للواشون خايف من اعشمه && وهو مازال ياكل من اجيوبى
ورهين حياه مافيها اطعمه && وفيدك راق جيتيهن ادروبى
اغويتى فيى ماريتى اشلمه && ازهدتى فيى يامكثر اعيوبى
ظلمتى ظلم ما والى اظلمه && كى انشدوك قلتى موش ثوبى
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
يافاطـــــمة ريـت في المنام
يافاطـــــمة ريـت في المنام ***جبن ومايعدن ومانى معاهن
فــــــاجات فجـــت حمـــــام *** تبــــــاعد علينــــا ضـــراهن
رحـــلانهم اشــــداد العـــزام *** جبــــن ايــزقـــن اعــراهـن
مـايجـيـبـهـن لــــــزم لـــزام *** خـبيـرهــن معـجـــل زواهن
والـــقيت فالوطـا جرت اقدام *** اقـدام نـاس يمشو وراهن
وحــاز بـيـنا لـيــل وظــــــلام *** وذهبنا علي درب ممشاهن
وفـــاتــو وراهـــم اوهــــــام *** وذيـب شــين فـيهن عواهن
مـن قـلـه لقـيط الــعـظــــام *** ونـزحــت عقــاقـير مــــاهن
والــــقيت في تفاسير لحلام *** الانظــار فيك ضـايع شقاهن
واثـمـــارهـن دبـيـب العــدام *** كــلاهـــن وطــوح نـواهـــن
ريتـــي جـــرا هالـــــــــبرام *** بعــد قــــول طـابت اشواهن
عــــرفنــا ايـجـنـــــــــــا ايام *** عــــرايا وقــاصــر اغــطاهن
حتـــي منــظـــرتـهـن حرام *** ايــــــام وجهــهن كي قفاهن
يا فاطــــمة ايــام لفطــــــام *** ياريـتـنا مــا حـضــــرناهـــــن
الانـــظار مالـــبكا نـيــن ورام *** واحـنـــا نعــزلو في غذاهن
انتـــي ونــا والاقســـــــــام *** فـــي شـهادتك ما ظلمناهن
حكــــمـنـا علــيهن احكــــام *** ورايـــات مــاهــن ارياهــــن
ولاهـــــي في شريعة اسلام *** ولاهــي بطــاعتـة ارضـاهن
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
راس البيت رايح
نا نريد نوزرها وناخذ سلاحها ** وخذة مخافي الارض مستسرقلها
وجيت بين مسراحها وبين مراحها ** مكان سمح لا تلقاة لو تايقلها
خوف من مكان يهندسة براحها**والي تديرها فجوة نجاة نسبقلها
على درب ممشاها وهو مرواحها**و بنيت تاقزه سمحه ومتمرفقلها
لاكن اتقول هون على اشباها ** وعلى خطمت والعقل موفايقلها
صادنى سنب فالراس من مقلاعها**ونا كنت بوشاحى ومتبندقلها
وهى فى شريعتها وسنت اطباعها**ومطلوقه ادير غير مو لايقلها
ومانه بصحتها وقوه اذراعها**واللى خلقها ما خلقها بعقلها
وامعا هذى باكمها وقافل اسماعها**وحازت على طرفى وحطت ابثقلها
الموس فيدها وصالبه على اكراعها**واتريد ذبحتى واتريدنى نخنقلها
من دمى اتريد تشرب وتغسل صباعها** بالك سكينة جنها تنطقلها
وكان ناطقت واطلق الله اصراعها**تحكيلكم احكايا كل حد يزمقلها
وان جادن على روس الدفوع ارجاعها**اطلع دفاين واجدات ابنقلها
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
نحلفلك أن كان أتريدى
نحلفلك أن كان أتريدى أتحلفيني .. بخالق الكون اللي بدع فى رسمتك
ماغلاء منك شي فيت جنيني && ياللي ماعرفت انحل عقدة طمستك
فى قلبي وفي كبدي وفي شراييني && أمنين مأتشوفي في تلقي بصمتك
ونطرب أن جابك فالحديث قريني && وأن ديرت الريح غربي وجابت نسمتك
يابنت عمي نا ليش تكرهيني؟ && وليش تعزلي في قسمتي من قسمتك ؟
يابنت عمي راس خيط عطيني && أمغير أهمسي ونعرف معاني همستك
وأمسامح اللي منك أتجي ترضيني && لاجل سواد عينك ولاجل بسمتك
وسلتك بربك غير ماتظلميني && وشاورت روحي كان نقدر نسوتك
ومن حقي اني ننسى اللي ناسيني && يابال رديتي علي بقسوتك
فتـشت فى عقلي وفى خاطري وفى تظانيني && ألقيت حسبتي ماتنفرز من حسبتك
ــــــــــــــــــــــــــــــــــــــــــــــــــ
العرق الحلوه
العرق الحلوه فيها حنظلنا** اعروق المر شربن من ثراها
حتى اتراب ضمها مررنا** تستر وحمر ناجيت ابضراها
نين ارياقاتنا استطعمنا** ناشر مر حنظلها هواها
افراقها مر رفقها مر منا** حن مرين واينهو احلاها
اى امرار يرقابها تزمطنا** رفقه مر وافراقها حنظلاها
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
صار الزعل بيناتنا
صار الزعل بيناتنا .. وطال وتمت علي اتبلى
بالباطل وقيل والقال .. انتوطى اتزيد اتعلى
انتعلى يحط لرحال .. ويطير فرقها وين ننزله
انحل قفل هي تقفل أقفال .. وترد تقفل اللي انحله
إلا رواق بيتا نشبك إخلال .. اتجي بارمه تفك خله
زعلها خلط ع الهبال .. ونا انقول غير اتغلى
الناس تقتل وتقتال .. وجناحك الحق تسبله
واللي تقسمه يخف ينشال .. ويقند اللي اتسهله
وهي اتريد تقعد علي هالحال .. وتريد تزعل العمر كله
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
اقسام بنت عمي
اقسام بنت عمي قبل لنا لانن *** فارحبهن لطن اتقول انعانن
اقسامــــــــــــــــــــها لينا *** قبل حوته لانت وتمت لنا
لوما بينا قمبر جضار وغنا *** غناوا بها نين القلوب افتانن
لنظار هن اللي ماهن اوجوه محنة*** ولا حضن دافي عمر فيه احضانن
********
اتقول يا معــــــــــــــــــــــياني *** صيغت عينك فالغلا بالعاني
عزيز وين ما ريتا ايريد ايداني *** وتمن طوارف صوبنا يدانن
غيات درتن فيهن نصيب معاني *** ومـــاهن اللي بالساهله ينهانن
عدن هبا بينك وبين زمــــاني *** لا تقول كونهن الله لا كانن
اتقول صادفن معيان شين خصرهن *** وعـــــيط عليهن بلخلا ونظرهن
وقرن ليلهن ظلمه وغاب قمرهن***ولاعد بشاير خير منهن بانن
ولا لي طمع فيهن ابروق مطرهن *** اسنين وين ما قلنا مطاير خانن
ولا ينظرن ميعاد لا ننــــــــظرهن *** اقسام موتن تحت الوطا ادفانن
وعليه ما طلبنا ما الله يســــــــرهن ***اظروف كل عام اوجوهن يشيانن
اتقــــــــــــــــول الًتطن *** واتقول صادفن معيان شين تخطن
اللي قبل ريناهن سمانا غطن *** وقـلنا الله يبارك بداري زانن
وبروقهن علي وجه الوطا توطن *** وتــــمن اطراف امزانهن يدغانن
واقسام بنت عمي قبل قلنا حطن *** وفـــــارحبهن لوما احذاي تغانن
اللياس والجضر لو كان غير تبطن *** قبــــــل حوتن روس الرمام اقرانن
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
أخباري
أخباري اليوم ما هنَّشي تمام ** نشـــــكيلك كان منشاكي أتحس
وكرهت الدوج من ضيق الأعلام ** وكرهت الــخلو من قل الونس
كرهت الظلم و كرهت الظــلام** ونكره وين نبرا ننــــــــــــــتكس
كرهت الزور ووكــــال الحرام ** وكرهت الكذب وخباث النفس
رفقهم شين قطاعة ارحام *** وكرهت الجار من علوه الحس
ونكره ثوب ماله شي اكمام *** وكرهت الوعد لا صار ونقص
كرهت أسلام ماهم أســـــــــــلام ** أمــــــــغير أسلام يسموا وبس
ونكره عيش منقوص اليدام *** وكرهت البخل وكرهت الخصص
أنكان أتخاف تفسير المــــــــــنام ** خلك عمي وأطرش وأنـخرس
لاتنظر لشي لافيه أنســــــــجام**ولا لي أيجس عليك لا عليه أتجس
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ــــــــــــ
نا الغيظ نكما فيه
نا الغيظ نكما فيه والكم وغدها نفسى اتهلب نين فاتت احسابها
امواجع ايجن ما نريد نقدر انعدها * وموش كل ناس اتغلط يلزم اعتابها
ولاودى الشينا نا ابشينا انغدها* ولى واعره هى لى اتجى من اقرابها
وخوفن ايجينى شى نيتى ايصدها* وانمن طولتى فيهم انضيع ثوابها
ما انشيلها منهم عليهم اردها * كلمة اصحاب السو ما يمتشابها
والفجوه اللى اتجيب الرواح انسدها*وهذيك وهذيك اريد نغلق بابها
وانمديت يدى نعرف المن انمدها* وندعى دعوتى خالصه المن يستجابها
وين ما حويتى عالغديد انشدها* وننوى طريق انهندزا مهلابها
ولا كلمتى هدت فطيم انهدها* وانكان قلت كلمه انقولها فى صوابها
ونسوسا ونوزنها ونعرف حدها* ونحسن امباديها وفصلت اخطابها
وراه كل كلمه فى كلمه اتقدها* وراه كل لقمه عندها فم يلتهابها
والشينا اللى منهم اتجى فى ندها* انكان بالزبا تمت امواير خرابها
وفى ناس فينا غالطه من جدها* لاكن الوجه الله عاتق ارقابها
ونا كموتى للغيظ نفسى انودها* امغير هى لى مى عارفا بعقابها
يومن اتجى لا ابحنها لاابجدها* ولافيد من جابت ولا من جابها
يوم امرها يصبح فلت من يدها * هناك وين ما حطوه عليها اترابها
ــــــــــــــــــــــــــــــــــــــــــــــــــــــــــــــــــــــــــــــــــــــ
يا دار يادارن عليك أوقاتك
يا دار يادارن عليك أوقاتك*** أبسافي أجداب أمقرنة عاماتك
يا دار موبين موثوق أرمامك*** أو جرت أمبارك ذودهم قدامك
أوقات مجدبات أمغيرات علامك*** أتريدك العين أو حوته أهلباتك
وشريعة زمانك حاكمه بأعدامك*** عليك قرنت برياحه أردماتك
وتمن حرايق صيف قارن عامك***في الي ورآه مامزنت بداري جاتك
أوخان الشتاء مافيه صار أصيامك**أوخان مارسك ماتن أعروق نباتك
أوجيت جابني فاهق أخطور أوهامك***وخطور دين حطنه نضيد بتاتك
أردمتي عليك أمقرنات أيامك*** وعلي ياسم قرن أمعا ياساتك
خلو العقل في برام كي برامك*** ياعزته فيهم ويا عازتــــــــك
يـــــــــــادار مابــــــــــانـــــــــن*** أسنين يقعدن لوهام كي ما كانن
علــيك قرنن نين المواكر شانن*** أسنين مجدبة منك جلن نزلاتك
بعد عز واجد في أسنين أنعانن*** حتي الضاله ما عاد أتريد أمباتك
طليبت أوقات أمقرنات و خانن*** عليك نين سافيهن ردم ناياتك
يــــــــــــادار فيك التـــــــــمن*** ياس وأوقات أمحاربتك تمن
أوهامك اللي كانن أشهر يسمن *** ليــــــــام أدفنهن كيف مادفناتك
أمغير نالي وين ما علي أينمن*** كيات من اللي لنه أمقدع فاتك
وأنجيك والعيون أمنزحات أيجمن*** يالى عطـــــــــيتي للزمان زكاتك
يــــــــــــادار وين تهـــــــــاين *** أيدين النضد حطن ونايك نايين
حتى وياسم قاعد أمقيــــــطن باين*** أتقول واخذك بختوم طول حياتك
تداير العين أمزنـــــــــها يثاين *** مين ماعلي غيابها أنشداتـــــــك
يـــــــــــا دار ماتــــــــــــنداسي*** منيومن جلاء منك طرف وناسي
ونا فيك منقدر الليل أنمــــــاسي*** حتى في النهار أنخاف من صيفاتك
ياللي تبرمي كي نهلبك حباسي*** أرياف ونا مازلت في مجباتك
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
امغير خاطرى
امغير خاطرى ماجاء على مشاخى الا اعزاز قالونا علل متراخى
امغير مانى شايخ الا اعزاز مالساعه عللهم بايخ
ولاعمر كايخ ساندوه ابايخ
ولااتجيك صابه من شراب اصباخى ولا ادراسم منا اطيب درايس
وعارفين صرفتم اتجى صخصاخى
امغير منقلب راسه القاضى دايخ الا الذنب ما يبقا على سلاخى
امغير خاطرى مو جاى تحت ايدى الا ضقت مالساعه عللهم نى
واعزاز طوحوا شورى علل مو حى وفى وذن ميت نا عليش اصراخى
وفى فرق بين اقصور فى دوبى وبين ناس تسكن فى صفيح اكواخى
وبين الرعيا وبين كرزا بى عايش امعيشه فى رخاء نخناخى
وبين الظلام وبين تلقاه ضى وبين اجواد وبين ناس فساخى
علل عارفه ما ايسير منا شى فلى جمرهم طافى بطلما طافى
قالوا علل موهو ومراد خاطرى مابوه عليه ايجوه
ولا ابروقهم يبقن ابروقت نو تدايربهم سفوت مطر رظاخى
ارجاع موراهن شى جراير سو امزانهن اثقال وريحن دواخى
نين ينطرن بالعرض جن بالقو عزاهن هناك امطوحات اشراخى
انكان هك ونكان لعزاز لوو تهميد العجاج ايسدنى بخباخى
قالو علل ما يصدقه بوعقل وقالو حجايج مالهنش ثقل
ونا نارهم مدقول منها دقل ويريد يلعبولى لبعت الدباخى
وليش جايه منهم مطر لانقل تطفاى نارهم ناوض على املاخى
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
ياصاحبى
ياصاحبى لوكان تخزر لاورا** اساع تعرف الماشى من اللى جاى
وتعرف اللى يشاوروه لاشضوا اعرا**وتعرف اللى ما يتبعوله راى
وتعرف اللى والديك مركز على الرحى**يقول جرى يا بردان خوذ ذراى
وتعرف اللى لوظل لايبقى ذرا **مغير احسبوه بجمله الجراى
وتعرف اللى يصاحبوك فى سكره الضحى** وعقاب النهار يقابلوك معاى
وتعرف اللى مازال يندى ويستحى**نظيف مل العيوب امنقيه نقاى
وتعرف اللى فيهم طباع من جرى** ديما عشاهم فضله الشواى
وتعرف اللى عصران واخذ للخلا**والعاطى الله ما بعده شى عطاى
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
جــبابى زماني
***زمانى كنا جبابى ونا فى فاطمه نستنا علاثر بينا بورا زمانى كنا***
جــبابى ونا طلق اعياط وهرجــــــــــــــــــــاه
وشـــور فاطمه نخزر وطامع نرجــــــــــــــــه
ســـواق خرس واطرش والاقسامى قرجــــه
ايغطـن الفال السمح ما ايقولنــــــــــــــــــــه
ويسـوق فى وامعجل وناصب خرجـــــــــــاه
سـواق شعث ما عندا على محنــــــــــــــــه
وبـــررجلها عقلى القى فى برجـــــــــــــــــه
كـــــل يوم نمشوه اتباعد منـــــــــــــــــــــه
ابرحيـل ما عمر بارك الله فى درجـــــــــــــه
وفيـــــن اوطان ايحط ما اندرعنــــــــــــــــــه
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
نحن للخلايق طيبات اسلافنا
نحن للخلايق طيبات اسلافنا &&&و الله من سلف مكروه سلفناه
وديما ايدينا من احذا طرافنا &&& وحقا اللي مغصوب له جبناه
واليوم وين ما شوين نضايد ارفافنا &&&طوحنا السدي بايعين أغذاه
الصاحب خذا فينا علل قرافنا &&& ماطلقا نين قارف وقارفناه
وقسام الفتن يفرح نهار اخلافنا &&& وان صار صلح ينقص من خيوط سداه
من كثره مواجعنا وكثرة اقطافنا &&& قسام الفتن نمشو الا برياه
فرعنا ويسرنا وعاقد اكتافنا &&& عقدات طرش كتانهن اروي بنداه
قسام الفتن فيديه يسر اضعافنا &&& ومشغال سر دارلنا وقطع اللواه
وقسام الفتن ملعون طرطش احلافنا &&& اللي ماجلو تمو انصار معاه
وحموم ديه لاحق نظاف اشرافنا &&& واللي قبل له برهان لوث ماه
وجفينا بعضنا نين جور جفافنا &&& من فعلنا متبريا الوطاه
قارضات روسن طالن ستاير اجوافنا &&& من كثرت مواجعنا وشين اللغاه
وشويت ضنا الاجواد شوت اطرافنا &&& لاحول ولا قوه الا بالله
شويتهم وتنفيضت مطامير كافنا &&& كي من اطري متقاتلين ضناه
اللي مابرح منهم اصبح دافنا &&& حسوفه اتخش القبر هي وياه
امقدر جرا وايامهم متعافنه &&& زمانهم بروم وجهه عطا بقفاه
وبوهم بلوه بهم روح حافنه &&& وجاب هم قدامه وهم وراه
ايهاجي ايقول اتقول ذهبة اسعافنا &&& علينا ومانا شي وجوه نجا
ويقول هذا ماجبتلنا مغرافنا &&& ويقولو اللي حبه الله بلاه
وفينا طمع من قبل كان ايخافنا &&& وزكا علينا من خذا الزكاه
ايام وهو عابر سبيل وضافنا &&& وين ممشا مصروف عام خذاه
ايام وفيده صرفها صرفنا &&& ما لضيفنا ينقص القام عشاه
الضيف نكرموه ويبصطا خرافنا &&& ونجيدو القول ونعرفو معناه
واتجيب من اولاد اهلال نحنا اوصفنا &&& امغير حقنا ضاع الزمان كلاه
وشايب فريسه وقت روح اصدافنا &&& تصبير لخواطرنا عزا درناه
ايعظم الله اجرة ويبرد اريافنا &&& عزانا علي الاجواد عزيناه
عزا في ضنا كبده وكبت اكفافنا &&& عزا في هذيك وهذي قسمناه
ومن قبل قاللنا علل عرافنا &&& وهزينا عليه وصار ولقيناه
اللقي وقت قايل فيه يكثر احداثنا &&& نين كل حد يرمي علي مجباه
وفيه لبعضنا ننصبو مندافنا &&& محط الكرع ايدفعوك اكراه
وناكلو لحم دينا بروس امشافنا&&& مشفاه غشيم الخرازة اتعدماه مشفاه
سبحانه اتقول قاري اسرار ملافنا &&& جميع ما حكا بعيونا ريناه
وسيل الزمان ابجور هدم اجرافنا &&& غرفنا معا غرفت هشيم عذاه
اوواكل عفا مرباعنا ومصيافنا &&& وعلي نجعنا رد وخذا الرحاه
((يتبع))
حتى أيام الجهل
حتى أيام الجهل قبل إسلامهم ........... الاجواد نصر المظلوم ع الظلام
لجواد تبتسم ليام ببتسامهم ..........وانزعلو امعاهم يزعلن الايام
لجواد تنبسط وين اتجي لوهامهم .... لجواد كل ماتقرب ايحيد غمام
وان كان جيتم ضيف اوكليت طعامهم .. ايحيد بسال الريق100عام
وان ضافوك يسبق رزقهم قدامهم ..... عليك تنفرج وانجيتم تكرام
لجوادايعطوك جميع محصول عامهم .. لجوادطبعهم ديما اشداد عزام
لجواد فعل ما يمشي هفيك كلامهم ..... انقالو امعاك كلام هو الكلام
ولجواد من كلام الحق صنعن اختمهم .. الا زور مايحطو عليه اختام
وبارك الله فيهم وبارك انعامهم .......... ان جاورتم الاجواد ماتنضام
وان كان طلت تقرن رمتك برمامهم ..... خوال الضنا مبرك عليك اقسام
وارحامك اقدرت اتشنهن برحامهم ..... الله يكتبك عندا وصيل ارحام
ولجواد بركه فوقهم وتحت اقدامهم ... لجواد نور لاحلك عليك ظلام
الحيين واللي بايدات اعضامهم ....... عطاك ربنا طرفا انجوك منام
عطاهم كرما ربهم وايمانهم ............. كان ريتم يرجع عليك العام
================================
اسمى العاشق
اسمى العاشق الموش معشوق* وأسمى رفيق الطلالى
أطلال وين مانجيهن أنروق *أنعاشق أرياح القبالى
أرياح وين مايهبن أنضوق* أمعاهن اطعمت الغوالى
أوياريت فال ما يبقئ صدوق* ويسر كل ماتمنالى
أن ماروحو نلحق اللحوق* أنضاف النياء والبذالى
ألى الوقت فيهم أيسوق* عدا أورهدن أجمالى
ألى أخطورهم تما خزوق* أخزوق دوجهم كى تهايالى
وأسمى العاشق المزموق* ألى ماعشق فيه وألى
وأسمى العاشق المسروق* أبشى من طفولة أجيالى
وأسمى العاشق ألى عاش* أمحقوق والحق لى أوماينعطالى
وأسمى العاشق ألى دوم مسبوق* على من تمناه بالى
وأسمى العاشق ألى عمر مايفوق* مطموس من أوكال البسالى
وأسمى عاشقآ شى ما يتوق* أولا يوم فارق خيالى
وأسمى عاشقآ باب أمغلوق *أتربسينا باللقفالى
وأسمى عاشقآ مزن وبروق* مليت من صهيد الشعالى
وأسمى عاشقآ عاش فى شوق *محروم من أيام الدلالى
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
القالى عـذر
القالى عـذر ليـش ايلقطولـي ** واعرفلى ايجيبوا فى اللقيط امنين
انكان من حصيد القاطهم يحلفولى ** وعليهـم نالـى انـص اليميـن
وانكان الحق مايريدو ايعطولـى ** يخـزى الله اوجـوه الكاذبيـن
عازيت فيهم درت كل احلولـى ** اضعف ايمان ايجـوا متعذريـن
فى نطق الحكم نا مانى عجولـى ** امهلب هـذى وامهلـب هذيـن
الا عالزمـط تمـوا يغلظولـى ** ياريتهم غير يبقـوا امغربليـن
لابالله قوللهــم ايغربلولــى ** مايعجنوه انخالهم بالطحين
لابالله قــوللهم ايطيـبـولـى ** نيـه حجايجهـم وهـم ناييـن
لابالله قــوللهم ايبيـتـولـى ** رايهم بيـش نصبحـوا بايتيـن
مايمسوا بحال وبحال يصبحولى ** وبيش يصبحولى ماهم ماسييـن
وانجى من هنا من هكى يبلطولى ** انجى من هـك نلقاهـم راديـن
كان فتلت نـا هـم ينقضولـى ** ونكان نقضت يصبحوا فاتليـن
على احجروا خوفن من قبولـيي ** جونـي بيـش ماهـم لاقييـن
لا والله مايـريـد يلـقــــــــــولـى ** لا والله عـذر الـكـل سـيـن
انهم اهناك مايقـدروا يهلبولـى ** لوكان انظـاف راهـم هالبيـن
انهاهم قبل ما نعـرى حمولـى ** انهاهم قبـل ماتطـرف العيـن
وانهاهم قبل ماينوض امهبولـى ** مش كل طيحه انطيحه حمديـن
دارونى ملول نا مانـى ملولـى ** لوكان ملول رانى مـن اسنيـن
نافض دى ومهاجـر ابطولـى ** الغربه خير من جيرة الباسليـن
وتريد الحق نا يلـزم ارحولـى ** ونكان رحلت مايردنـى حنيـن
انرد ليدين تنقص فـى بلولـى ** لاوالله كشفـه لــك ايـديـن
==============================
عيت أهني
حتى أو وقتنا فيه لجواد شوي **ما نديرهم أحساب أجواد عيت أهني
مانديرهم أحساب أجواد عيت هاذوك **اللي من عطا الله ما يعطوك
ولا يبقوا أجواد وحق تربت بوك**حتى انخوجو ما أيريد يبقوا شي
ولاصقر يطلع من أرقاد أديوك **ولاضي بوقداح يبقى ضي
ولا أنجيتهم تفرح ولأكن جوك**حاجه بها تفرح أنجوك اتجي
وان كان درت فيهم خير تحصد شوك **الخير دايره وحاصد الشوك ابدي
نعرفهم ونعرف كل شي اويوك **ونا مسامحك تنشد ورد علي
خذ غايتك مانك بحد ممسوك **أن كان تفرز الطايب من اللي ني
لو حقك علينا نطلبه نبوك**انشد انكأن ألقيت فيهم حي
لأهم أحساب أجواد لانوفيبهم**ولافى حاجه للجواد أتجيبهم
برهان مالكرم لاالهم عشم من طيبهم**ولااتخاف مافيهم انسان رضي
ولا الهم عشم برهان من تجويدهم**أيريد يوصلوا لرحام فيك وفى
حتى لو دعوا الله ما يستجيبهم**لو يسلوه بحق كم نبي
وعافيتهم اطلوق الوجه عالام غيبهم**طمع في رضاه وفى رضا ولدى
لو ايريدو لشناه يستأهلوا ما أيصيبهم**هذى قول ضنى ما أتريد فقي
أنعيبهم ابما فيهم ومكثر عيبهم**ونشنأهم ونطلع مال ذنوب برى
حتى ولو لجواد اليوم فيهم نقص** هذوم لاايجوا جمة ولا ايجوا عقص
ولا ايغربك مالهم وكثرة بقص** أسياب بيض فوق انسان موش تقي
أتهين في جمال ألراقصه والرقص** بعدها ايقولولك ايشنى هي
أمغير مالحرام أمخلفه كم فقص **كيف رزقهم هذوم زيف ني
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
قصيدة غير كامله
واللي انهندسه مرمي يجيني رامـي ...... واللي انديـره ذرى نلقـاه مستذريبـي
مالياس والجذر نا ما القيت امحامي ويا اطعمـه تميـت خـلا تثغيبـي
وهن في غلاي يمرمـدن قدامـي واقريب يعوي في القوايـل ذيبـي
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
.... خاطره ...
) صالح بوعياد)
القاها على عندما التقينا
فى تونس بعد العملية القلب الذى أجراها
يوم 24/3/2008 أيقول
من وسواس وخذنى أطردى *** ورياف أتقول تجقمر خلوج
طول الليل ننده فى أجهدى ***** من ضيق البال طايب عالهجوج
ونا والعقل بيناتنا أنشدى **** من حيط الوهم نبنو فى بروج
ومن جو الليل وقعادى وحدى **** لوكان أنصيد منا مانروج
وتوق الشمس ويروح أطردى **** دراه الكبد من كثرت الدوج
.......................................................................................
==================================
قولي بكيت مريضه
قولي بكيت مريضه .... خير من علل واجد وفيه قريضه
اللي ينشدك
بكيت ابروحي .... وخلك اتهاجي فى المساه وصبوحي
راني مريض امعقرات اجروحي .... وزدان امعاي بطول وتعوريضه
من شان خاطرى خلك احذايه نوحي .... مريض وين مانبرا طريقك بيضه
بكيت ابصاره .... وجيبي اعذار اتخيل عالفساره
ولا بكيتلي امحصله غثاره .... قطير من عرق نازل اوقات القيضه
وعندى دمع راد مع ميوح ابياره .... ولا اللي ايروب ولا يصح مخيضه
نبكيه خير مايمشي على اخساره .... سبله وصارت طرفتي توقيظه
مريضه زكمه .. ولا مريضه من جراير لكمه
وعيون واجد كيفك ولكن تكمي .... وعيون دايرات السر كي الفريضه
واللي ينشدك ردي عليه بحكمه .... نقيض غزل واجد يتعبك تنقيضه
ابكي وديري صرفه .... واللي ينشدك قولي مويه طرفه
سوا من اقراب الدم ولا عرفه .... خلك علي بابه السر حفيظه
والناس موش ناسك لوله منحرفه .... الناس عنده للصافيه تخويضه
ورا الخلايق كل حد وبضرفه .... غير فيه من خافي عليك جضيضه
ابكي ادموعك مايسالك والي .... وفضي علي بالك وفضي بالي
واللي ينشدك قولي بكيت تسالي .... عندى ادموع العين فيهن فيضه
من شان خاطري نوحي حذاي ليالي .... سبله وصارت طرفتي توقيظه
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
الجرح
خيطتا وخـــــــرتاه نضــــح كويته *** حييت حما فيه قبل امــــــــخمده
ضمادته علي مـــا فيه ما داويته *** للناشد صطاطيره انقول امهمـــده
وما حوتني حتي الضميد القيته *** الا من هناك او مـــن هناك املمده
واللي فيه عـــــــــرفا بلا تبهيته *** امغيرمالصقيع ادماه فـــوقا امــجمده
والله يربحك مـرهون في تنهيته *** لا تقربيه الجرح راني امضمــــــــده
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
اصحاب
اصحاب غبت عنهم قلت ياك ايجوني* رايفت جيت لقيت مايبوني
اصحاب ننشدعنهم** وماينشدوكيفي انظرهم كنهم
ان كان عذرهم غير الظروف لهنهم* مجبورنقبله حتى وهومشنوني
مافي مافتشت ماجامنهم* تفتيش المذابح ناعليه نهوني
وان كان الافعال الطيبه زكنهم* مافي مانكش علي مدفوني
وان صارالعددعامات مايسدنهم* وهم يحصدوافالي بهاابذروني
من غيرحسدعاطيهم الله يغننهم* مبذورمن مواجعهم وجواحرثوني
ومامن جوابدواجده اسبقنهم* قديم في جرة حرث نالقيوني
وهم فالعقاب زمانهم مكنهم* في نين حنضل كلني ازرعوني
وبهاالشي نامابيت شي نركنهم* مديت ليمنه باليسره لاقوني
*اصحاب غبت عنهم درتابالعاني* رايفت ماوالي امرايف جاني
رجيتهم بطواعني ارياف لواني* جيتهم امرايف غير ماعرفوني
وجيتهم وريت فيهم اخياجواني* ويعايب علي لكصي لقيت الدوني
تقول جايهم واحد طرف براني* وين كنت ويش انريدماانشدوني
دومت نبرم منقلب ميزاني* قلتلهم افلان اجتجهلواانكروني
حسيت مالزعل ضاقن علي اوطاني* قبل حوتني بيدي عميت عيوني
وعاد نرتجف كبيت ماوضاني* ادموع كنت طامرهن وناقزوني
ونادونوه القزن في ديواني* من قبل بوي يموت ويعزوني
وبديت من جديد ابعده قزن اصلاني* وكمين موجعه دسيت في مكنوني
والنوم نعرفوه يحوش ع الشبعاني* ونانريدنغمضهن عليش جفوني
لافي غداء محسوب لى قناني* ولاعمرفيوجبه عشاءاحسبوني
ولاهلي قلتلهم ولاجيراني* نقدرنقول لهم كذاعشوني
وتراب بالته فوقهم سفادفاني* واللي واكلين اكراي كي راعوني
وسمحت من قلبي وصدق ايماني* وعطيتهم سموح نظيف مو مشنوني
ونااليوم متريح وبيتي باني* واساع يكبرن بأذن الكريم اجروني
العاطي بلامناكريم عطاني* تريس يسلمواكي يكبروايدروني
ويرعاهم الله مالوقت والمعياني* ومايرافقواعنهم انسان فتوني
خطرهاالامادارفي زماني* واصحاب غبت عنهم غير ماافقدوني
حتى انكان باعوني برخص اثماني* مانبيع لوكل الكنوزعطوني
ولاجيتهم عريان لاجيعاني* ولاجيتهم طالب عشاواشواني
ولاجيتهم قاصرعلي دخاني* ولاعمرقلتلهم كذاكسوني
وانلاقي اللي بالطيبه لاقاني* ونشري اللي بالطيبه يشروني
مسقي بووي جدي وبوي اسقاني* شاربين من كاس العصر واسفوني
علي طبع لوحسدي ولوشراني* اللي ربيوبيهاابهاربوني
وطعام الجفامايطول راس لساني* ولانزمطه في ريق لوتكروني
ومازلت ناكل من اثمارغصاني* ومازلت ماقلت العرب غطوني
ونصبرانكان اغطاي ماغطاني* نين الشتايهلب الصيف حنوني
*** *** ***
===================================
عيت دوبهم
عيت دوبهم يااللي تريد اسماهم* فوقم البسال الشين يامبسلهم
طامع تريديطول فيك عطاهم* وهم يبخلوابيهن قشوربصلهم
عيت دوبهم بدري يفوت عشاهم* م العصرالطويل يسكروامنزلهم
عيت دوبهم ماعمروالي جاهم* اوقات يبخلواحتى علي عيلهم
هناك ناس لاينجالهم ** ولاينشكى منهم ولاينشكالهم
ولا بذرواحاجه طيبه تلقى لهم* ومايذرن ديهم يحصده منجلهم
ولافعل طيب ينذكريبقى لهم* تفتش علي تاريخهم تدفلهم
شينات تلقاهن جميع افعالهم* اخباث البحرينزح ومايغسلهم
من فعل عالق في اجيال اجيالهم* لاينفصل منهم ولاتفصلهم
ومن جدهم بوهم خذاوعطالهم* هذاطبع لاخرهم عطاه اولهم
وخال جدهم هوخال بوهم وخالهم* من نفس المراح ومن خباث جملهم
منهم وفيهم جواخوال عيالهم* حتى ع النحل يفرق القيت نحلهم
باسل يديرعسله كيف بسالهم* ظالمينا يرعى علي مشتلهم
وغرام م الكرامه ماطلع يصفالهم* وجايب لهم مكيال ومكيلهم
وغربلت فيهم ياشقاغربالهم* وان كان هذا يادونك لهم غربلهم
ولابركه لافيهم ولافي مالهم* ابخال عمرماريناالضيف نزلهم
ولايتبعواوالي ان جاءيفتالهم* ولايقبلوا والي ولايقبلهم
==================================
قولولـهـا
قولولـهـا تبـعـث معـاذيـرهـا وكثرن أمواجعها وكثـرن اعذارهـا
وفي كم طعنة غدر مـن خناجيرهـا طلبت الدواء ع الجرح حطت ابزارها
قولولهـا شاهـد الله وضميـرهـا علي صلحنا وشهدوا أمعاي اكبارها
قولولها ما حلفـت ماعـاد انديرهـا وليش أطعنتني قبل يطلـع نهارهـا
قولولهـا مليـان كـثـر خيـرهـا فـي بـاذره بيمينهـا ويسـارهـا
أمواجع انهلب هذي واتجي غيرهـا ما ف المواجـع موجعـه نختارهـا
قولولها اللي اهناك فـي مطاميرهـا اللي ميرتهـا لـي سـاع تمتارهـا
قولولها ما نصـح نبقـى عشيرهـا عشرة نكد ف الريق عاقد امرارهـا
قولولها من تو خاطـي مصاديرهـا يغنينـي الله علـي مويـة ابيارهـا
قولولهـا شـن معنـى تفاسيرهـا ردت علي جـواب جيـب أبذارهـا
قولولهـا مـازال ذاهـب خبيرهـا وعليها كـذب تقازهـا و شبارهـا
قولولها مالوقـت تأخـذ محاذيرهـا راه كـل دار امصـادرتـا دارهــا
قولولـهـا يقـطـع الله تدبيـرهـا وذاهبـة انكـان أمتبعـه دبـارهـا
قولولها في شـئ واجـد ايعيرهـا كسر الخواطر راه واعـر اجبارهـا
قولولها الأعذار حسـرت زكاكيرهـا وطاح من وجه الحقيقـة اخمارهـا
قولولها خلاص عرفت جملة تفاكيرها قولولها خلاص عرفت لعبة إقمارهـا
قولولها قريت السر فـي مناشيرهـا قولولهـا حليـت عقـدة اسرارهـا
قولولها لاي طيري ولانـي طيرهـا لا انحطت أنحط ولا انطير بمطارهـا
قولولها كـي اتريدنـي نشتشيرهـا وهي ما عليّ اترد فيهـن أشوارهـا
قولولها قـزون نحـرق خضيرهـا كيف ما تريد تحرق خضيري بنارها
قولولهـا مـنـي الله لا ايثيـرهـا اللي زارعتـه فـيّ تأكـل أثمارهـا
قولولهـا مليـت مـن جراجيرهـايـوم لمواجعهـا ويـوم لمسارهـا
قولولها من السدر يخلص حريرهـاولا عاد بنيت ابيوت قابل عمارهـا
==================================
ــــــــــــــــــــــــــــــــــــــــــــــــــ
يالله
عندما يجتمع عملاقان فى الشعر الشعبى بحجم الشاعر صالح بوعياد
والشاعر الرائع محمد الشيخى يكون للشعر نكهه بطعم الابداع تعالوا لنتذوقها
(( الشاعر: صالح بوعياد الشهيبي ))
يالله من نهر الشفاء اسقينا ** وجميع كل من لاذبك مريض اسقيه
واشفي اللي طالب الشفى واشفينا ** وفرج علينا يالله وعليه
ويالله من طالب العون اتعينه ** واللى واخذه درب الضلال اهديه
ارضيناك رب وبالرسول ارضينا ** اللي باعثه بالحق وامزكيه
واسمعنا واطعنا لامر ما لاوينا ** وارضينا الدين اللي الرسول ارضيه
يالله لا اتسلط امراض علينا ** بافعال منكره دارهن انسان سفيه
وانته ابقدرتك حاكم وكون وفينا ** وايسير لامر بامرك كيف ما تبيه
ونحنا عبيدك وانت متولينا ** سبحانك جميع الكون متوليه
((محمد حامد الشيخي ))
البر الرحيم ابرحمته حاضينا ** عظيم الرجا ديمه رجانه فيه
له ساجدين ورافعين ايدينا ** كريم وجه يقبل فى ادعى داعيه
وكيل كل متوكل عليه ايعينا ** ابنصره ,, وقوة عزته يحميه
عالم اللي فينا وعالم بينا ** واحساب كل شي فى دنيته حاصيه
اكتاب كل ما درنا وما سوينا ** اتبان حسبته يوم الرجوع اليه
طامعين فيه وفى ارضى ولدينا ** وارزاقنا عليه وعمرنا في ديه
رب السما والارض حامي دينا ** مالكافر ومن ظلمه وبطش ايديه
يالله , يا رحمن , يا بارينا ** فيك نطلبوا حسن القضى تقضيه
واحشرنا مع زمرة احباب نبينا ** النذير البشير المصطفى الوجيه
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
راس البيت للشاعر :صالح بوعيادالشهيبي
مسا احذاي داروبه سرا في ليله ..... معاجيل سواقة اطراف رحيله
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
راس البيت للشاعر :صالح بوعيادالشهيبي
من شان اخاطري ان كـان في عقاقيرك............ خزين دمع سيليبه مـع تقذيرك
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
غيتي فيك ............. على غرار الشعر الخليجي
غيتي فيك مالها شي انغمه
امغير اذنوب يا مكثر ذنوبي
غره اتمد وتروح ادعمه
عارفه عرف وانبات امغلوبي
نمسك صقر يصبح اجلمه
ونصاوب غير ما نفرح بصوبي
ونزرع ورد يطلعلي ارتمه
وندير اصحاب غير ما يعتنوبي
حيرني بخت كسره في اسهمه
رهدني نين طالني اكروبي
وقبل الكسر هو ميلود عمى
اندودش فيه جاي دوبه ودوبي
ما با يوم يجبر من اغشمه
فارقني لناس كانوا يحلفوبي
ايشنهو في فاضل نا ازعمه
امفيت عجاج من سافي جنوبي
لا تجريه عقلي في اوهمه
اصحى ف العدام اتعثري مركوبي
ايجنها أوقات تصبح ادغمه
من كثرة بخوري ايهيم بك مجدوبي
ويصبح كل مو باني اهدمه
ما صدقت عقلت امعطوبي
ورهين حباه ما فيها اطعمه
وبيدك راك جيتيهن دروبي
سريب القلب م الساعه الطمه
لا لك راب لا يريدك اتروبي
ونا ما في ظني ما اقسمه
القلب اثنين لا يلزم اهلوبي
الواشون خايف من اعشمه
وهو مازال ياكل من اجيوبي
اغويتي في ما ريتي اشلمه
ازهدتي في يا مكثر اعيوبي
ظلمتي ظلم ما والي اظلمه
كي انشدوك قلتي موش صوبي
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
قادر ايفك اعقدها
قادر ايفك اعقدها
اتروق روقه الساعة تسير وحدها
من غير عرعزة
ايفك عقلها
يطلق سراحها تسلك ايحيد كسلها
خالق رواسي لرض ومثقلها
ورافع سماها ما عمود سندها
عالم دريج النمل ومسجلها
ومفرز الغاة الطير ما مقصدها
وعالم نباتات الارض ومشكلها
بيده يزيد الريح ويخمدها
وعالم اعداد الناس هي وعملها
ومقسم ارزاق الكاينات جردها
ضنك يريد يغلب كي يعدلها ؟!
مغير كل حاجة تنتظر موعدها
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
الدنيا والرجال
ماجت وباخت نين جور بسالها.. غير في بسـال الريـق ماتفطنولهـا
بسال ريق خالط في بسال اوكالها.. من كثرة حرام امخالطـا ميكولهـا
حرام امخلط في وعاه حلالها.. بسال في بسـال اتزيـد فيـه بلولهـا
وقالبه السرج وبدلـت خيالهـا.. وتمـن ايهـرن فالعـراس بغولهـا
وزاحن ضنا الاجواد من معدالها..وحطت بـراذع تبـن فـوق خيولهـا
ويهمن ومالقين عزوم اجمالها.. رمن ع لوطاه عقبـن مـن مرحولهـا
وشقن صحاريها وقضن رمالها .. واثنين رادفين معا صلايـب حمولهـا
ايرقن عراها وشاحطات حبالها.. حميرهـا طروهـا جايبـات قفولهـا
وريت قردها قايد جلوبا غزالها .. والبوما مكـان الصقـر ويحاحولهـا
وقارضه الحرار وشاكره تنبالها..وتحـق للعيـون الصاحـت بحولهـا
ومقدمه خلايق هبل حاسر هبالها .. مايفرقولـك قمحهـا مـن سبولهـا
وعقول وين ما تقرب وتفرط ابهالها.. تسمع اللي ما وحدك تقدر اتقولها
ولا ينشكـا منهـا ولا ينشكالهـا .. ولا يشتكـا فيهـا ولا يشتـكـولها
لاجل الدنيا من نذالت افعالهـا .. فصحـاب العقـول امطمعـا مهبولهـا
انـذل عبـاد الله وارزل رزالهـا .. في يديـه يبـي ربطهـا وحلولـهـا
اللي قبل يرقد في زرايب انذالها .. وف الصبح يكنس في زرايب عجولهـا
وطالب الله الناس يلطف بحالها.. ويجعل الله الهـذي ساعـة اقبولهـا
ويستاجب ايزاحن اسنين اكلالها .. وترجع وتربع من جديـد اسهولهـا
فيده مفاتيح لجميع اقفالهـا .. خالـق ايـام الكـرب يقـدر ايزولهـا
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
ليش يا عزيز
ليش يا عزيز تدير في عفانه *** ايموت الغلا ماادز عالكفانة *** ليش ياعزيز ادير
مات مــــــــــــــــــــــــــــا كفنته *** سبايب اوكاب الصوب ياسك وانته
وين ما ترادع صح بيدك عنته *** حسيبك علي مادرت هو مولا نا
لو كان كي توفا ياعزيز دفنته *** كرامت الميت فزعت الدفانا
تدير في فسالة *** ايموت الغلا ماادز عالغساله
ولا دز عالكفان والشياله *** بيش ندفنوه ونعرفو مكانه
وكل شي كاتبلا الله زواله *** ونسامحوك ونقولو خذاه زمانة
لاكن القينا ثابته العداله *** لو مانك بريء ماعليت في جحدانه
وليش ما تدز علينا *** رانا حضرنا والوتا وتينا
ورانا دفنا الغلا بيدينا *** ودفنا خطاك معاه فاجبانه
ورانا ابيوت كبار له بنينا *** بيوت مضيفه للي معزي جانا
ورانا عللي سايرات وطينا *** حتي وانت خاين يا عزيز امانه
ما تدز عالوتايه *** ايوتو وتا وبيوت للعزايه
وتجيب عذر لنا في طرف سهراية *** اوقات لبن ادم يغلبا شيطانا
وتفضي خواطر واجده ملايه **** قدام العرب تبكي عليه امعانا
ليش اجحوده *** عزيز فالغلا مادار غير السوده
خلها رصيده بينا مرصوده *** قدام العرب يبرم علي حيضانا
ولو نجبدولا بينا مجبوده *** تبيلا سنين وما كمل طابانا
وبين القضاه والقدر والمقصوده *** في فرق واضح باينات اركانه
عزيز نطلبوه وينكروه شهوده *** الباطل ابسعي هم طشوه اقرانه
وحلاوة العابد يختشي معبوده *** وكل عود له ناره وله دخانه
ليش ياعزيز ادير*** ايموت الغلا مادز عالكفانه *** في عفانه
ـــــــــــــــــــــــــــ
================================
يالعيــــن :
يالعين تسكيبك عليه غير مدله منحاش لاجاها ولا بعت مرسال
راه مو كل من سافر وصل بسمله ولا كل من طالب بحقوقه نال
ولا كل عاشق على الحبيب تخلى ولا كل متزوج يجوه عيال
ولا كل من يسمع كلام يعله ولا كل من تاجر يجيب المال
ولا كل موقع جاه جيش احتله ولا كل فارس كى خسر دلال
ولا كل من داوى يحيد العله ولا كل متعلم يرد سوال
ولاكل مسلم فى الجوامع صلى عليه ربنا غافر دنوبه شال
ولاكل من داهب النجم يدله ولا كل من يقنص يجيب غزال
ولاكل من يقنض تطامن له ولاكل من يجفأ عليه تسال
ولاكل من طال السحاب تعلى ولاكل فارس ذكى ولا دهلال
الدنيا قديمة ياسماح الطله تباعد اتقرب مالها معدال
الدنيا بتع الله تبقى لله ما يدوم فيها غير زهى الحال
اسباب حالى فى غلبتى نتسلى شربت سم صافى امغير اهبال
يانا مالقيتش من نرسله طال الجفا والبعد له ميجال
خلانى وحيد وخان منه لله بلا ذنب درته ما على يسال
العين من البكاء معاد فيها بله كامين عام دموعها شلال
نرجاك ياغنئ والله عمرى كله انكان هو بقى فى العمر شئ مازال
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
انلومـك اوقـات
انلومـك اوقـات واوقـات فيـهـن نـعـذرك ومــوش كــل غلـطـة تغـلـطـي مـعــذورا
وبـيــش مـاتـريـدي تذكـريـنـي نــذكــرك راه كـــــل بـــــاذر عــارفـــه مـــبـــذورا
ونقـبـل الـعـذر انـكـان عــذرك يسـتـرك انكـان عـذر حـي القيـت فـيـه اخـضـورا
ونصـفـي ابــذارك مــن جـديـد ونـبـذرك فـي مـركـح وطــا حــره وهــي مـبـدورا
اسبوع نشمسك واسبوع نقـدر نمطـرك ونـديــرك مـطـيـره لـــي نـــا مـحـجــورا
بـالـك اتـجـي صـابــا بـعــد نستـنـظـرك وتـصــبــح جـمــيــع الـفـايـتــا مـقــبــورا
ولا عــــذر فــــارغ نـقـبــلا لانــغــدرك واصـحـي اتسـيـري فــي وعــا مقـعـورا
شراب عـذر يكمـل قبـل تصلـي يجبـرك يا تـقـدعــي يــــا تـكــذبــي مـجــبــورا
اتـرومــي انـرومــك تدفـريـنـي نـدفــرك عنـدي النفـس مـا تطلـب جـداك صبـورا
لا تـمـكـريـنــي تـجـبـريـنــي نــمــكـــرك وانـتــي اتـضـنـي مـــا قـطـعـتـي بــــورا
يـــا تنـفـريـنـي نــيــن نــقــدر نـنــفــرك وطريـق كـل حــد دخــان نــار سـحـورا
ولا تطعنـيـنـي مـــن جــديــد بـخـنـجـرك امـســامــح الـطـعـنــه لـــــولا مـغــفــورا
ونصيـحـه لـوجــه الله كـنـيـب تـنـضـرك دون عــفــن طـالـقـلـك نـسـيــم بــخــورا
واصحـي بخـور العـفـن راه ايجـرجـرك ولا تــقــدعــي بــالــفــول لا بــقــشـــورا
واصحي تطرفي عينك بروحك بمرودك ولا تـقـربــي الــعـــدام فـــــي خــطـــورا
وانـكـانـك ازعـلـتـي لا ادســـي عـبـرتـك لاتــرقــدي وانــتــي بــهــا مـغــصــورا
مـعـا هـلــك ولا فـــي مـجـابـي غـربـتـك اصحـي مـن عيـون النـاس يــا مخـيـورا
ولا تغـسـوريـنـي لا اريــــد انـغـســورك ولااقمـرك نرجـي فـي اوقــات اظـهـورا
عنـدي سـوا كـي بسمـتـك كــي كشـرتـك ظـلام خيـرمــن صـاحـب ايـمـن بـنـورا
مستغـفـر ونـافـض دي نــا مــن تـربـتـك ســــوا مـجـدبــه ولا ســـــوا مـمــطــورا
وابقيـتـك ادمـايـا لـــي نـــا مـــا نـنـكـرك ولاكـــن افـعـالـك هـــي الـلــي منكورا
==============================
عسعس وحاش عسوس
عسعس وحاش عسوس .. حاشن معاه العسايس
ورنن عالراس ناقوص .. وعالذان رنن جرايس
وعسن علي كل مدسوس .. ثاريت فيه مامن دسايس
أمجرن ونابت ومدروس .. وامذره او واتي كدايس
ومغلق عليهن القوص .. مطامير كوف الغصايص
منها العقل عاش مغصوص .. واتيينلا بالونايس
مطتروح عالوطا تحت مالموس ..الايام غير فيهن ايسايس
ايريد يذبحن ذبح منقوص.. بيدين لاحقاتن نجايس
ولا كرامتا فوقها ايدوس .. ويرضا افعال البلايس
ويخش سوق ملعون منجوس .. ومحلل اوكال الفطايس
معاناس باعوه بفلوس .. شرفم وخشو دمايس
واثياب بيض يلبس وبرنوص .. ويوالف اوكال الفرايس
كلو الربا في دم امغطوص .. وصلو صلاه الكنايس
ولا يغربك شكل ملبوس .. اسقام غير لون البايس
حلال قلعهم قلعه ضروص .. ولا سوقهم للحبايس
دباسيس ورباة دبسوس .. موالفين شق الرمايس
مثبوت جدهم كان جاسوس .. عليه قاريين النصايص
وعلي هك خليك لا تغوص .. ورا الفاس ف الراس غايص
ورا العقل كي يزعل ايحوس .. ايوضح ايسرن حسايس
خلا بما فيه مكبوس .. موثق اقفال النحايس
من خوف ان يخشا السوس .. ويحيدن اقشور الفصايص
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــــــــــــــــــــــــــــــــــــــــــــــ ـــــــــــــ
لا لــــــــــي وريــــد
لا لي وريد ينبض بنبض وريدهم
ولامن قربهم ولا انريد نسمع بذانهم
ولاني الخالق نين نقدر انعيدهم
ولاني حسيب لهم على عصيانهم
ولالي شماتة عين فلي تصيبهم
ولاني حسود ان كان صح زمانهم
ويوم البعث لا انظرهم لا انفيدهم
ايجوا بكبرهم والا يجو بأيمانهم
في دنيتي في الارض ماني حديدهم
ولا جوايدي جبدن على غيظانهم
ولا يامر سريتي يوم يقدر قليدهم
ولاني رميه في مدافي احضانهم
ولاهم اسياد لي ولاني سيدهم
ولاني رعية ولا لهم سلطانهم
ولا انريد منهم شي ولاني طريدهم
وامطالب رهن الدين في ديوانهم
ولامن قديمهم نلبش ولامن جديدهم
ولاني رهينه تحت ختمت ضمانهم
ولاني امزمت من ليقط حصيدهم
ولاني اللي طاحن على مطحانهم
والرزق في ايد الله ماهو في ايدهم
ولا ماعلي طيبة اثمار غصانهم
ولا نضايدي نضدن بحيط نضيدهم
ولاهن ارمام البيت من كتانهم
ولاانريد يوم الشيل نشهد غديدهم
ولا انريد يوم الميز نركب حصانهم
وانكان هم عطوني قدر قدر انزيدهم
وانكان احسنوبي انزيد فوق احسانهم
وان جو مع طريق السلم ناهو عضيدهم
وان جو بالعوج نعرف جميع اركانهم
وانكان هم ايريدوني مازلت انريدهم
وان كان ماايريدوا القرب مني شانهم
ــــــــــــــــــــــــــــــــــــــــــــــــــ ــــــــــــــــــــــــــــــ
ــــــ
يحضني الليل
يحضني اليل كي حضن الحضين اوفيه انبات في دفوت حضان ... الا للنوم ماتبا اتلين العين اتقول مسكونا ابجان
انهوي اتقول نفطم في جنين حرام انكان تغمظ في اجفان ... نسارق فيه يخذني حنين ايدور العقل ياما من اواطان
ايجبي ايسار وايجبي ايمين اوكل اشوي متبوع بمكان .. ويلقا فيه ماهم قاعدين ولا لهم غوش نازل هنا كان
وايجيه الصبح وايعاود حزين فوقا ظل كابوس الاحزان .. وينشد كيف كنهم كافين عليه الرجل ما دوجهم ايبان
وينشد كيف كانهم جاليين في ابرور حطو يا فلان .. وينشد كيف كنهم زمقين ايردو بس نوفي بالحسان
وينشد كيف ماهم حطين كانو هنا تشهد بالايمان .. وينشد كيف ماهم والكلين عفا هالوطن بركيب اوضنان
وينشد كيف دوتم اوين شجرهم لايش نوقح ما الغصان .. وينشد كيف ماهم ضانين والله صف خلفتم انعان
ادوارت حس تذريت طحين عليهم ليش مي ايكف انشدان .. وندرا فيه للراي المعين انكان العقل طوعني اولان
يقعد لايش مكتوف الايدين رهين خيال يبرم في اذهان .. يبي ناس بادو من اسنين مشو في جوف طاحونت الزمان
==============================
=================================
انتي .....
انتي السلم وانتي هي الحرب .... وانتي الدواء وانتي هي الداء.
وانتي الحزن وانتي هي الطرب .... وانتي هي شقا امعيشتي
والرخاء.
وانتي الزاد وانتي هي الشرب .... وانتي هي الجوع واسنين الظماء.
وانتي رخاي وانتي هي الكرب .... وانتي اعطشي وانتي هي الماء.
وانتي الشرق وانتي هي الغرب ..... وانتي كل حاجه لي نا.
وعليما انشوف في ماضي العرب ..... طبك في ما عمرا جرى.
بقيتك نار وين ما اندير زرب .... تنداقي في بين ظهر وضحى.
وانتي سرب وانا لي سرب ..... انحط ايطير سربك مالوطاء.
اخترتي درب وانا لي درب ..... اخترت بيش يعمدبي خلاء.
يلي احذاك عشن كي الغرب .... اشحتت قدر مانا شي الهاء.
اظرروف قظيتن في اوجهن جرب ... قضيتن غير في اصفاح الدباء.
واوقاايخرب زيقي نا انخرب .... عليه الوقت نستعفر الله.
واوقات انقول خيرلي الهرب ...... اندارت هك بينتنا الله.
واوقات ايجي نصرف كم عرب .... نلقا فيك كي شبه الرجاء.
الظالع فيه يلحق راس ضرب .... يدرج غير يسمى حطاء.
وندير احساب فيه زايد وضرب .... وننقص رقم ونزيدهن اخرى.
نلقى البعد خيرلي من القرب ..... ونلقى القرب خيرلي من الجفاء
====================================
==============================
المهم مازالن ....
المهم مازالن دناه إيريدن .. بعيد الجبا لوكان غير إيصيدن.
المهم ناضن عدن ..إيريدن ودود إلهن أوفيه إيودن.
علي دار كانت يشرفن ويردن.وانكان قذرن مامن إهموم إيحيدن.
لنظار عالوهام إينيرن ويسدن.إتقول ياجماعه في الرياف إيزيدن.
مكاليب تمن في انواع إيجدن.مجاديب بخطور لوهام إيميدن.
إكبار الفواهق هلع ماينسدن.أنواع البكاء إبقذير فيه إيجيدن.
إتقول إبخناجر في لفواد إيقدن.إزيادت نكد في الماضيات إيعيدن.
سموح ياخذن بالك الغيظ إيبدن.والله يبرحن والناهيين إيكيدن.
والله إيرونقن والله غدد ينغدن.والله يذرفن بدموع نين إيبيدن.
===================================
شريتهم و باعوني , و بعد بيعتهم .. *
شريتهم اخرى واخسرت في شروتهم *
شريتهم و باعوني ونا شاريهم *
و شريتهم اخرى و طلعت خاسر فيهم *
قادرتهم والحق موش عليهم *
عليّ جرا بقدار في جلوتهم *
و حساب درت حاضرهم امعا ماضيهم *
ابروحي مشيت انقص في جرتهم *
تاريخهم نشدته قالي غطيهم *
اتعيّب عليك الناس كي تنكتهم *
وانتا قبل متراشي اللهم تبيهم *
امغير طبعهم قيسه ذهب شيرتهم *
ايلاقوا اللي ما ايريد شي ايلاقيهم *عاده و مازالوا علي عادتهم
*===================================
عليهم اعزاز حقوقنا مثبوتا ومسامحينهم لجل خواطر
موتا لجل خواطر بالمودة جادن اوماينقصن حقك ان كان مازادن ،،
اولا للخطأ ايقودن اولاينقادن والعيب عيب ماتجيبهن طريق اجلوتا ..
اولجل اوقات اسماح ماينعادن اوهو البرعامر بشوي وبيوتا
.. اولجل اعظام اجواد دفنن بادن ،، نزعل اونركن فالزعل ونفوتا ...
اولجل خواطر بيض ماينسودن خلي كل حد بينا اوبين ادعوتا
==================================فعيونك خوف فعيونك افراح فعيونك ريت يامامن احزان ... كلا الخوف من كثرانطاح كل نهار مطري في مكان ... كلا الفرح لجل ظلم راح ... ابنصر الحق مرفوع الاذان ... اوكلا الحزن ودعتي ارواح ... ارواح ضناك مدفوعه اثمان ... دفعتي اثمان تجري عالصلاح ... تريدي دارفي برالامان ... اتريدي انهو يادوبا كيف لاح ... حس ارعدا يمخض في امزان ... برق ارجاع في مقدم اسناح ... هلي فيه ترجي لك زمان ...
===========================
=داربي ارياف عديت انريد صاحبي اللي نشتكيله ... انقول ساع نلقاه فالبيت ثريتاامجبي رحيله ... ومعا ارياف زعلان رديت مالقيت صاحبي في عويله ... تمقلت بالعين ماريت ... حتي امواير قليله ... اللي ابهم قبل عزيت نفسي او خذيتم عزيله ... ماجبر خاطر القيت فيهم اولا فالقبيله ... منين مالهم جيت وليت وتخض في عبره حويله..
=================================هناك ناس لاايقيمو عتب لاحساب ... اولا اطعمه في منقض الهم كي تصربا ... مالهم مثيل الالصيف سراب ... علي ايتباعد كلماانريد نقربا ... عافو نفضت ايدي قفلت ابواب هضاطبع نفسي طبع لاتستغربا ... طبع العصرميخوذ من شياب ... يادوب وقتم طايل امسي مغربا ... الاالعفن تفرج كان عني غاب ... غياباعلي الكون ماايريد يخربا ... لوخالق الكون ايملكاالشراب ... نحلفلك ابرب الكون ماعاد نشربا
=================================تبروامنا...زعلان خاطري العذارمايرضنا...وجعتااللي ايريدهم...اليوم تبروا عليما نشدناماسبايب ورو... امغيرقيس فاضحم الله تعرو...واشالو اذنوب تقطيعت اعروق محنا...
==================================ياليبيا ناسك نهار الشده..... راه كل لحد منهم خذا تجاه...ياليبيا عندي لهم مسوده.... فيها مسجل كل احد بسماه...فيهم اللي دونك وقف من جده.. مايريد شي الا لوجهه الله...وفيهم اللي لايعرق لايتنده.... ولامستحي منك يريد اكراه...جابه طمع سراق طالق يده... محلل جميع اللي تجي يالاه...وفيهم اللي عالطاهرات تعده... الله يلعنا ويلعن اللي رباه...وفيهم اللي بهت ألقي لابده...فداك يندفع راسه وروس ضناه.وفيهم اللي يلغب رحيله عده.... مع درب من قبله مشو قرباه..كرس وين ماقالوا كمل لمسده.. وجاء يقول ناحاضر نهارسداه.وفيهم اللي صاحب صحيح موده.. ترابك بدم الطاهرين رواه..دما وقبله دم بوه ودجده.... تقول عطر لاهب النسوم ثراه..وفيهم اللي ديما امبرد خده...ان جاء الكرب ديماحاط ديه وراه.
==================================
داربي عزيز سرابة اولاحد عرف لين ابلاد مشابة تعلام خاطري .. داربي عزيز اخطورة سراء تحت ليل اوناض يلغب شورة مجدوب مساع برد منشابة .. حتى والغلا قتلن دفين ابذورة امقيطنات مافكن اسنين اجدابة .. تحلف عليه توكي مكبورة نارهم اوهي ماعد الها حطابة .. اوعلي ماردم فيها عجاج الجورة تحلف النارهم داير لحوم اترابة
======================================
يني او بين سليمة تخلاق كل عام اتزيد في تظليمة نين ظلمت ،، ظلام اوظلم اونا للخلاء نجنح انريد السلم اوعلي ياسا يسبق انجت في حلم اوفسار المنام اتسيرلأ تطريمة ... ومعي خلفت قفزه او ضيقة علم اودراه كبد فوق ابعضا له تكويمة ... تخلاق كل عام اتزيد في ظلمتة نين ظلمت بكل علي اجلوتة ومروح الياس ايقص في جرتة ويقول بينا فضلت احساب قديمة ... سليمه امعي امغيرة بسمتة اوطيرها نكر ووحلت في تكميمة ...واخرشهر ومغيبه قمرتة اوتما ظلام اليل قارن ديمة ... اونا قبل نلقط عالنجوم ابرتة اوكلا السلك نلظم فيه عالتبسيمه .
====================================
لااله الااللة رب الكون علام الغيوب ... اوسبح قبل ما الشمس اتعلة
اوسبح قبل وقرات الغروب ... اودرب الملاهي والمعاصي خلة
اورد قبل تلبس مالمعاصي ثوب ... الماشي الي من نص الدرب ولة فلمثل قالوامامشا امحسوب ... وبذكر الله رآ الريق ايتحلة
وينحلن كل عقدات الكروب ... وبذكر الله تبرا كل علة
اولستغفار يمحا فالذنوب ... ويزول الكرب ويزول الهم كلة
===================================
عندى عقل زعال حواس...................تاعبنى امعاه بخياله
مالبخت قاسى الراس.....................وعني
وينشد على كل شى قصقاص.........وحتى الوطن عاتب اطلاله
عليش ساكتات وخلاص...................مايحكن
نهار فيك ثاب الرصاص......................من
الحق حق والحق لاباس...................والحق ينحكابه قباله
========
====================================
لااله الااللة رب الكون علام الغيوب ... اوسبح قبل ما الشمس اتعلة
اوسبح قبل وقرات الغروب ... اودرب الملاهي والمعاصي خلة
اورد قبل تلبس مالمعاصي ثوب ... الماشي الي من نص الدرب ولة فلمثل قالوامامشا امحسوب ... وبذكر الله رآ الريق ايتحلة
وينحلن كل عقدات الكروب ... وبذكر الله تبرا كل علة
اولستغفار يمحا فالذنوب ... ويزول الكرب ويزول الهم كلة
===================================
عندى عقل زعال حواس...................تاعبنى امعاه بخياله
مالبخت قاسى الراس.....................وعني
وينشد على كل شى قصقاص.........وحتى الوطن عاتب اطلاله
عليش ساكتات وخلاص...................مايحكن
نهار فيك ثاب الرصاص......................من
الحق حق والحق لاباس...................والحق ينحكابه قباله
========
يا طول ما حام الخبير او جابك .. بحمولك تهندبتي مع هندابك
يا طول ما جوبتــــــــــــــــي .. للواحه ثقيل اوزان منها جبتي
اتفزي جبر ما عمر فيه اغلبتي .. يزاقن اعراه مع نفيظ اجنابك
ويا طول ما موج الرمل هلبتي .. وانتي تقضي فيه يثايابك
بحمولك مع رق البساط صلبتي .. شور من ايعدو في ايام اغيا بك
وعلي هلك ما حاجه رخاء غيبتي .. وديما امسجل في ملف احسابك
ما عمر جارك قرعته سيبتي .. ولاقرعه اللي جاي في مهلابك
ياطول ماقذر وراك خبيرك .. وانتي اوقات اتشايلي ابقديرك
اتحيدي دراه الكبد بتجقميـرك .. تقول ناصبه نوعك علي غيابك
عقاب ليل هفنك مصادر بيرك .. اطربتي وهو قبل المبات نوابك
وقفتي مع لجواد كثر خيرك .. وقفه اجواد وهم اجواد اصحابك
وهم اجواد اصيـــــــــــــله .. وانتي كويستم خدوك عزيله
تشيلي جميع الغوش يوم الشيله .. وين ما نوى بالدار يزاحابك
وين رايدك يطري عفا تمشيله .. كمين دير متخابل عفاه كلابك
وين علوها حظن عليه نزيله .. سيدك على قيس الصلاه يرقابك
ياطول ماقضوبــــــــــــــــك .. كمين ديرجابنك معاه دروبك
مع وطن مجدب صالبه اهلبوبك .. وجابي رفعتي مالوطاه ارقابك
سفاين اتطجي في احمولك دوبك .. كيف البحر بارم عليه سرابك
وجيتي لهلك في سكرة ضحى فرحوبك .. وفرحوا جوارينك مع كسابك
وانتي درعهم لجواد يتقوبك .. معارك اسنين اجدابهم واجدابك
ولاعمرقصرتي اكمام لثوبك .. وسيدك على لخرين يطرابك
ياطول ماسافرتـــــــــــــــــــــي .. وياطول ما كمين ليل جبرتي
وعندك حنين و وين به قذرتي .. ايحيد تعب سيدك وظيم اتعابك
ومي كذب كي بيدك انقول خبرتي .. اديار هلك وادللي علي مشرابك
ومعاهم ضنا لجواد ما قصرتي .. يا فرحة المكروب كي يمسابك
ولا قصروا في يوم وين اطرفتي .. قدام صفنا هابا وصح منابك
حقك عطوه وافداك من دورتي .. لانك كسوبة عيب لا حد عابك
وعن دار العفا ما عمر يوم نزرتي .. وعشتي معاهم في اسنين اخيابك
كمين دير متخابل معاه نشرتي .. واسيادك معاك وعارفين ابقابك
من لون الغراب اعبسك بيه عطرتي .. نسوم الفجور ان نوضك رجابك
حليبك شفاء المريض به فطرتي .. جيران هلك قبل اتفطري حلابك
واتشيلي نهار الشيل من جاورتي .. ايشيل فأولك ما يشيل في عقابك
ولا غيروا لجواد لا غيرتي .. درايب قديمة سيبوا شيابك
وعلامك اهلال محور بيه شهرتى .. جميع من اطمع خطر يسوقك هابك
ماشاء الله عجبنئ الشعر واجد وخصوصا قوللها ويحضني الليل مش عاديات واله حلو ابدعت ياحبيب
ردحذفتسلم مفتاح ياغالي
ردحذفالله عليك فعلأ قصائد فى غايه الروعه ومشكور عالنقل الرائع والاختيار الموفق ولا لاتحرمنا من ابداعتك وابداعات الشعراء اسلمت يابرقاوى
ردحذفماشاء الله قمة في الروعة
ردحذفمشكور اخي توفيق ع الاختيار .. ربي يعطيك الصحة ويحفظ شاعرنا
ردحذفتسلم اسامة وتسلم خوي غير معرف ويسعدني تعليقكم وتشجيعكم
ردحذفالله يحفظك يا شاعر وصح السانك تسلم يا بو عياد
ردحذفقصائد في قمه الروعه مشكور علي الجهد الكبير ويشكر الشاعر المبدع صالح بو عياد
ردحذفتسلموووووووو عالمرور الدروعي واحمد
ردحذفمنور عالديوان وتسلم ايدك
ردحذفولى الشرف اغلبهن انا اللى كاتبهن من المقاطع فيديو وصوت
(ملتقى الاجواد) وغيرة من المنتديات الليبية. لانهم بنفسم التنسيق يعنى نسخ ولصق
اخى الكريم كنت اتمنى على الاقل ذكر كلمة منقول او اسم الكاتب او على الاقل الشكر ..حفاظا على حقوق الناشر
انت بهكذا تاخذ مجهود غيرك . وتنتهك الحقوق
ودى وتقديرى
اخي غير معروف
حذفاولا مشكور وثانيا شعر بوعياد ليس محفوظ لاي جهة اوشخص ومن الجميع نشره ههههههههه ثالثا انا قريب للشاعر وهو يروي لي في اشعاره وانا ادون له
كلامك غريب وعجيب لان الشعر ليس حكرا لااحد حتي تتكلم علي حقوق النشر افهم الحقوق اولا وبعدها احكي